Especial Wislawa Szymborska

A xornalista Piedad Cabo, as poetas Olga Novo e Alicia Fernández e a escritora, contacontos e actriz Paula Carballeira poñerán voz aos poemas de Wislawa Szymborska, a poeta, ensaísta e tradutora polaca que foi premio Nobel de Literatura en 1996 e que finou o pasado 1 de febreiro.

Será este martes 28 de febreiro ás 21.00 h. no Modus Vivendi, na sesión dedicada en exclusiva a Wislawa.

*Foise Wisława Szymborska, á súa maneira, serena e quizais con certa retranca. Deixounos moitísimo, unha inmensa poesía. Soubo da edición en galego dos seus poemas. Estaba contenta con esta edición. Mesmo nos fixo dos dos seus famosos collages para a edición. Será eterna.

 

 

 

Ausencia

Faltoulle pouco

e miña nai podería ter casado

co señor Zbigniew B. de Zdunska Wola.

E se tivesen unha filla, non tería sido eu.

Quizais con mellor memoria para os nomes e as caras

e para cada melodía escoitada só unha vez.

Sen equivocación coñecedora de que paxaro é cada cal.

Con excelente nivel en física e química

e peor en polaco,

pero en segredo escritora de poemas

de entrada moito máis interesantes cós meus.

Faltoulle pouco

e meu pai podería ter casado nese mesmo momento

coa señora Jadwiga R. de Zakopane.

E se tivesen unha filla, non tería sido eu.

Quizais máis testana en saírse coa súa.

Sen medo, saltadora a augas profundas.

Propensa á rendición de emocións colectivas.

De continuo vista en varios lugares a un tempo,

pero poucas veces a carón dun libro, máis asiduamente no patio,

xogando á pelota cos rapaces.

Quizais incluso ambas se topasen

na mesma escola e na mesma clase.

Pero non terían sido amigas,

ningún parentesco

e nas fotos de grupo, lonxe unha da outra.

Rapazas, poñédevos aí

–diría o fotógrafo–,

as máis baixas diante, as máis altas detrás.

E sorride fermosamente cando faga o sinal.

Só contade aínda,

estades todas?

―Si señor, todas.

*Nota de Paco Macías, de Edicións Positivas, editorial que publicou en galego parte da súa obra poética no libro Versos escollidos.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s