Penúltimo Picaversos do curso baixo o lema “líquidos”

O ciclo de lecturas poéticas PICAVERSOS chega á recta final do curso cunha sesión moi especial baixo o epígrafe “líquidos”. Con esta son xa 31 sesións onde participaron 92 convidados de toda índole: poetas, músicos, actores, xornalistas, editores, etc. que convocaron a unhas 1.400 persoas de público.

Ana Romaní, Baldo Ramos e Chus Pato son os convidados da noite do martes 4 de xuño, a penúltima sesión que acolle o pub compostelán Modus Vivendi. Tres dos poetas máis recoñecidos do noso país escollerán a partir das 21 h. os seus textos preferidos arredor do líquido, que é o tema proposto para esta ocasión.

Picaversos naceu en outubro de 2011 co obxectivo de expandir a poesía fóra dos libros e visibilizala fóra do eido exclusivamente literario. Con dúas ou tres sesión ao mes, Picaversos -coordinado polas poetas Olalla Cociña e Branca Novoneyra- foi reunindo voces diversas, sen espazo conxunto nas programacións institucionais, e facéndose cun público tan fiel como heteroxéneo. O ciclo contribuíu á recuperación do recital en Compostela, do pracer de ler en voz alta e da escoita nuns encontros, por únicos, irrepetíbeis, nos que tamén se picaron temas musicais relacionados co lema da noite. Houbo de todo: o soño, a ferida, a luz, a loucura, o silencio, algún monográfico -como a sesión dedicada o pasado ano a Lois Pereiro- e dúas jams participativas.

Picaversos apostou tamén polo traballo conxunto con iniciativas internacionais participando nun proxecto de POESÍA MURAL (que conecta distintas cidades europeas e sudamericanas nunha rede poética con proxectos como La Madrileña, La Porteña e La Parisienne) editando A Compostelana: unha folla poética que se puido pegar e ler na rúa.

A última sesión do Picaversos celebrarase o martes 18 de xuño cun monográfico especial sobre o poeta beat Jack Kerouac.

Mentres agardamos pola sesión de mañá deixámosvos as fotos da jam que fixeramos o 15 de abril.

 

Advertisements

One thought on “Penúltimo Picaversos do curso baixo o lema “líquidos”

  1. Pingback: Compostela: nova sesión do Picaversos, con Chus Pato, Baldo Ramos e Ana Romaní | ::Axenda cultural AELG::

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s