Despedímonos ata outubro coa sesión Kerouac

kerouac

  • Secretos cadernos garabateados, e páxinas salvaxemente mecanografadas para pasalo ben.
  • Submiso a todo, aberto, á espreita.
  • Nunca te embebedes fóra da casa.
  • Namórate da túa vida.
  • Algo que ti sentes atopará a súa propia forma.
  • Sé tolo e inocente, santo da mente.
  • Sopra tan profundo como queiras soprar
  • Escribe tan ao fondo como queiras desde  o insondábel da mente.
  • As visións indecíbeis do individuo.
  • Tics premonitorios que producen calafríos no peito.
  • Soñando en trance obsesivo co obxecto diante de ti.
  • Rexeita inhibicións literarias, gramaticais ou sintácticas.
  • Contar a verdadeira historia do mundo en monólogo interior.
  • Loita para bosquexar o fluxo que xa existe intacto na túa mente.
  • Non temas nin te avergoñes da dignidade da túa experiencia, linguaxe e coñecemento.
  • Escribir para que o mundo lea e vexa as túas imaxes precisas del.
  • Compoñer salvaxemente, sen disciplina, puro, vindo desde abaixo, canto máis tolo mellor.
  • Eres un xenio todo o tempo

(…) de Belief & Technique for modern Prose

Son algúns dos consellos que Jack Kerouac escribiu a petición de Allen Ginsberg para explicar o seu método de “prosa espontántea”. Xustamente o carácter automático da súa lírica, emparentado coa improvisación de jazz e coa meditación budista, fan difícil a tradución dos seus versos.

Nesta derradeira sesión de Picaversos faremos un intento. O martes 18 de xuño ás 21 h. no Modus Vivendi achegarémonos a algúns dos poemas do lexendario autor da xeración beat, da man de Comba Campoy, xornalista, actriz e investigadora; e Bernardo Martínez, músico improvisador. Entre os dous xogarán cos haikus e os coros do  San Francisco Blues ou Mexico City Blues, entre outros traballos poéticos do autor nunca antes traducidos.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s