A Compostelana, acción de poesía mural

Queremos que veciñ@s, viaxantes e paseantes atopen poesía nas rúas de Santiago de Compostela e por iso ideamos unha acción poética que precisa da vosa participación para expandirse…

Presentámosvos A Compostelana, unha folla de poesía mural coa que conectamos en rede con La Madrileña, La Porteña e La Parisienne, propostas poéticas activas nas cidades de Madrid, Bos Aires e París respectivamente.

Na sesión de hoxe dedicada ao rock and roll repartiremos A Compostelana en papel: dúas primeiras follas poéticas con poemas de Lupe Gómez e Estevo Creus (dous dos poetas que máis se teñen lido no Picaversos). A petición é sinxela: pegade un cartel de A Compostelana de camiño á casa para encher as rúas e mañá a poesía traspasará os muros e as paredes da nosa cidade.

 

 

Advertisements